Protecting Lake Ohrid, Albania and Macedonia

Kur Zoti kaloi këtej, u pengua dhe i ranë të gjitha mrekullitë në një vend.  Kështu krenohet me të drejtë çdo pogradecar që rreket të tregojë me vetëm një fjali se çfarë pasurish fsheh kjo zonë. Të mjaftojnë vetëm pak orë në Pogradec, për ta kuptuar që një deklaratë e tillë nuk është thjeshtë një “patriotizëm i shfrenuar”, por një e vërtetë e madhe. Kur zbret nga Qafë Thana, para syve të hapet një panoramë si një ëndërr: ujrat blu të liqenit, ngacmuar nga kafeja e zbehtë e kallamishteve që u bëjnë hije, kreshtat gri të maleve dhe kodrave përreth me qeleshet e bardha prej dëbore ngjeshur në majë. Ndërsa i afrohesh Liqenit nuk mund t’i shpëtosh ngasjes për të vizituar fshatin Lin në gadishullin me të njëjtin emër. Aty ndodhen rrënojat dhe mozaiku i një kishe të lashtë. Dhe bregu i Liqenit është një dashuri më vete. V izitat në Drilon dhe Tushemisht të përforcojnë bindjen se Zoti është treguar ‘dorëlëshuar‘ me këtë vend në të gjithë hapësirën e tij. Panorama, historia, ushqimi, të gjitha

Një aset kombëtar, i listuar mes pasurive të mbrojtura të trashëgimisë botërore sot ndodhet në rrezik. Degradimi mjedisor që ka sjellë dora e njeriut, mund ta nxjerrë liqenin e Ohrit nga lista e mbrojtur e UNESCO. Depozitimi i mijëra ton minerale me përmbajtje toksike dhe derdhja e ujërave të zëza po e ndot me shpejtësi liqenin. Bëbëzia e ndërtimeve dhe derdhja e pesticideve të rrezikshme po cënojnë rëndë florën dhe faunen. Si po neglizhohet përmbushja e rekomandimeve të vendosura nga UNESCO. Ndiqni dokumentarin e realizuar ne Inside Story, per Liqenin e Ohrit ne rrezik   (37) “Ohri i kërcënuar” - Degradimi mjedisor që rrezikon të përjashtojë Ohrin nga UNESCO - Inside Story - YouTube Projekti i zbatuar nga DMO Albania, per Trajinimin e gazetareve me ndotesit e Liqenit te Ohrit, kontribuoi me informacione per kete raport investigativ.